Sunday, April 13, 2003

Ekki slæmt að vera líkt við Nicole Kidman, en það sýnir kannski áræðanleika prófsins

You're Nicole Kidman....you're tall, sexy and you
never let anyone make you feel bad...and no one
knows about your secret anger side...Rock on!


What actress are you?
brought to you by Quizilla


Saturday, March 29, 2003

Ég sé það að ég er engan veginn að standa mig, það er bara alltaf svo mikið að gera að maður sest við tölvuna til að lesa yfir þá pósta sem maður er búin að fá og svo er daman vöknuð. En þetta stendur nú til bóta. Ég er að vona að þessi blessaði vetur sé að verða búin, mér er farið að hlakka svo mikið til þess að vera úti í sólinni í sumar, spila golf, grilla, fara í ferðalög og allt þetta sem að maður gerir á sumrin. Ég er sko alveg búin að sjá það út hvernig ég ætla að fara að þessu í golfinu, ég tek sko bara dömuna með mér, er búin að fjárfesta í kerru með fjalladekkjum svo við komumst nú einhvað áfram. Svo er ég líka svo heppin að hafa aðra með mér sem er með strák sem er fæddur í desember og hún er ennþá meiri golffíkill en ég.
En þetta verður víst ekki lengra núna ég á von á fólki í hádeigismat svo það er eins gott að fara að setja súpuna í pottinn.

Tuesday, March 11, 2003

jæja nú á að gera aðra tilraun til að koma einhverju niðrá blað, ég var svo svekkt í gær yfir því að missa allt út að ég bara gaf S K Í T í tölvuna og sneri mér að sjónvarpinu. Annars er ég ægilega fúl í dag yfir veðrinu, ég er neflilega búin að vera með smá svona kvefpest síðustu daga og ekkert viljað fara út, vegna hættu við að ná mér í almennilega pest svo loksins í dag þegar ég hefði getað hugsað mér að fara út þá er komið leiðindarveður, er þetta ekki annars alltaf svona. Svo er það nú líka annað, ég var voða dugleg fyrst eftir að ég átti að fara út að labba, en þetta verður nú svollítið leiðigjarnt þegar að maður labbar alltaf sömu götuna fram og til baka, Patrekfjörður er neflilega eiginlega bara ein stór löng gata. Ég bý t.d á Aðalstræti 126, maður hefði nú haldið að í bæ þar sem að aðeins búa 700 manns að það væru ekki til götur sem næðu uppí 126. Alltaf þegar ég hringi og panta eitthvað að sunnan (sem gerist nokkuð oft, afþví að það eru nú ekki margar búðir á Patreksfirði) þá lendi ég mjög oft í því að þurfa að endurtaka akkúrat þetta, ætli sumir haldi ekki líka að það sé kannski bara eitt hús fyrir hvern íbúa hér.
Svo langar mig nú að láta fylgja hér með eina sögu af konu hér í bæ sem er ótarlega músarleg í framan og öll frekar spes. Hér fréttist nú einu sinni allt, maður má varla reka við án þess að allur bærin viti af því. Þessi kona þurfti eitt sinn að panta einhvern hlut að sunnan, afgreiðslumaðurinn spyr hana að heimilsfangi og hún segir mýrar 8, hann verður voða hissa og biður hana að endurtaka sig sem hún gerir "Mýrar 8" og hann spyr hissa hvort að það sé nóg og hún segjir að það sé það, það þekki hana allir hér. Nokkrum dögum seinna kemur pakki stílaður á Maríu Óskarsdóttur mýrarrottu Patreksfirði. Frekar fyndið og auðvitað fréttist þetta, það vinnur nú einu sinni fólk á pósthúsinu

Monday, March 10, 2003

"gráturoggnístantanna" ég var búin að skrifa alveg heilan helling og ýtti svo á vitlausan takka og það þurkaðist út.

Sunday, March 09, 2003

OMG hver fann upp þetta blessaða html, ég er að verða geðveik . Ég bara varð að tjá mig aðeins um þetta áður en ég missi stjórn á mér og læt það bitna á heimilismeðlimum.
íhaaaaaa, loksins er ég búin að koma upp athugasemdakerfinu (vá langt orð) en ég er líka búin að henda næstum öllu öðru út og á eftir að setja upp gestabók.